nasyonzini-fe-konnen-kore-di-no-pa-respekte-sanksyon-yo-pran-kont-li-yo

Nasyonzini fè konnen Kore di Nò pa respekte sanksyon yo pran kont li yo

Kore di Nò kontinye vyole sanksyon entènasyonal yo te pran kont li yo pou fòse l renonse ak pwogram nikleyè li a. Nasyonzini fè konnen Pyongyang depase kota enpòtasyon esans yo oubyen atravè resòtisan li anplwaye aletranje yo. Deja pandan 5 premye mwa yo peyi Kim Jong-Un lan gentan enpòte plis pase limit 500 mil baril petwòl yo.

Depi lane nan 2017 Kore di Nò anba divès sanksyon Konsèy sekirite onizyèn lan, ki limite enpòtasyon pwodui petwolye li yo, epi entèdi teritwa azyatik la ekspòte chabon, pwason ak tekstil li yo.

Advertisement

Lachin ak Larisi, 2 alye Pyongyang, voye jete akizasyon sila yo epi fè konnen ke se ”ipotèz ak estimasyon” Nasyonzini ap fè. Negosyasyon sou nikleyè a ant penensil nò a nan yon enpas akòz dezakò sou zafè leve sanksyon yo ak sa Koredinò ap pare pou fè an retou.

Pooshy ROSANA

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *