peyi-lezetazini-ap-mete-12-milyon-dola-nan-fave-30-mil-ti-antrepriz-an-ayiti

Peyi Lèzetazini ap mete 12 milyon dola nan favè 30 mil ti antrepriz an Ayiti

Ajans Nasyonzini pou devlopman entènasyonal (USAID) anonse li pra l ede 30 mil ti antrepriz pran elan nan peyi Dayiti. Yon pwojè sou 4 lane k ap pèmèt entans amerikèn lan kreye travay gras ak pwojè sila ki koute 12 milyon dola ameriken.

Nan yon kominike, Anbasad amerikèn fè konnen pwojè a ki pote non ”Atteindre, nan lang fransè”, konte ede ti antrepriz ak mwayèn antrepriz (MPME) lokal yo devlope divès plan dafè, jwenn prè labank, pran fòm, bay bon sèvis epi vini antrepriz ki bay bon randman. USAID kontinye pou di, MPME yo ki bay jiska 80% anplwa nan peyi Dayiti, souvan konfwonte ak divès defi ki anpeche yo avanse, tankou aksè ak finans, poun site sa yo sèlman.

Advertisement

Pwojè ”Atteindre” ap gen pou kreye yon anviwònman favorab pou afè yo pandan l ap atake divès defi kreyasyon antrepriz la ap konfwonte epi ede yo evolye, epi afiche soutyen USAID bay antrepriz lokal yo pou favorize kwasans ekonomik lan an Ayiti.

”Ti antrepriz ayisyèn yo se motè devlopman kwasans ekonomik la sou yon tèm long. Anbasad Lèzetazini pran chwazi bay jèn antreprenè yo plis opòtinite. Ede antrepriz sa yo devlope ap ogmante revni fanmi ayisyèn yo epi bati yon sosyete ki pi rezilyan”, se deklarasyon Anbasadè Michele Sison nan sikonstans sila.

Pooshy ROSANA

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *