prezidansyel:-apre-yon-deba-kakofonik,-trump-ak-biden-retounen-nan-kanpay

Prezidansyèl: aprè yon deba kakofonik, Trump ak Biden retounen nan kanpay

Donald Trump ak advèsè demokrat Ii, Joe Biden retounen al fè kanpay sou teren an jodi mèkredi a. Nan demen premye deba yo ki te chita sou anpil diskisyon ak mezantant, 2 kandida pou Mezon Blanch lan kontinye ap prepare teren pou prezidansyèl 3 novanm an.
N’ap raple deba sila pèmèt mond lan wè kòman ansyen vis prezidan 77 lane a demontre kòman li gen andirans.

Diferans avèk lane 2016, kandida demokrat la, kontrèman ak Madam Clinton, apiye l sou 4 lane bilan prezidan Trump lan, san konte Joe Biden pa manke raple 200 mil mò pandemi COVID-19 la lakòz akòz movèz jesyon prezidan ameriken an.

Ansyen vis prezidan Obama kalifye repibliken an ”pi move prezidan Amerik la konnen”, yon ”tikomik” epi ”ti chen Vladimir Poutine”.

Advertisement

Pa bò kote pa l, chef leta k ap gen pou remèt pouvwa si l ta pèdi prezidansyèl la, mande Joe Biden ”si l pa genyen anyen ki gen rapò avèk entèlijans lakay li”, alòske Trump dèyè nan sondaj yo, men li t ap tann advèsè demokrat li fè fo pa.

Ap gen 2 lòt deba prezidansyèl pou 15 ak 22 Oktòb pwochen. Semèn k ap vini la,kolistyè Trump ak Biden yo ap gen pou mezire fòs yo. Vis prezidan Mike Pence epi senatris Kamala Harris ap gen pou debat ansanm.

Pooshy ROSANA

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *