kowonaviris:-laj-prezidan-trump-ak-gwose-l-reprezante-yon-gwo-risk-pou-li

Kowonaviris: laj prezidan Trump ak gwosè l reprezante yon gwo risk pou li

Aprè lokatè Mezon Blanch lan te fè anons li kontamine ak COVID-19 la, anpil ekspè pa t pran tou tabli pozisyon yo sou eta sante Donald Trump, tankou laj ak gwosè l ki reprezante plizyè faktè risk pou li.

Prezidan Trump genyen 64 lane epi peze 110 kilo pou 1 mèt 90 (kidonk li obèz).

Òganizasyon mondyal lasante (OMS) fè konnen sou sit entènèt li, ” gen 2 gwoup moun ki genyen plis risk pou enfekte grav ak Covid-19 la. Sa ki genyen plis pase 60 lane yo epi sa ki gen lòt pwoblèm sante”.

”Sou 10 moun ki mouri akòz kowonaviris la nan peyi Lèzetazini, 8 pami yo genyen plis pase 65 lane”, daprè Sant prevansyon ak lit kont mala2yo (CDC).

Advertisement

Depi kòmansman pandemi an syantifik yo dekouvri, tank yon moun ap granmoun, tank li vin pi vilnerab fas viris la, ki ka mennen l lopital, mete l nan reyanimasyon oubyen mouri.

CDC presize, menm si estatistik risk yo monte sa pa vle di yon moun ki aje ap fòseman viktim anba yon fòm grav kowonaviris la, sitou genyen lòt faktè ki konsiderab (tankou si moun lan genyen yon maladi kwonik).

Pooshy ROSANA

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *