dr-nativita-carmelie-st-hillien-demisyone-kom-manm-konsey-minisipal-gonayiv-la

Dr Nativita Carmelie St Hillien demisyone kòm manm konsèy minisipal Gonayiv la

Nan yon lèt li voye bay M. Patrice Gracia Brutus, Prezidan konsèy enterimè vil Gonayiv la, Dr Nativita Carmelie St Hillien anonse li bay demisyon l kòm manm konsèy minisipal komin nan.

Dr Nativita Carmelie St Hillien avanse plizyè rezon ki pouse pran desizyon sa a. «Mwen se yon fanm dinamik ki pa janm renmen chita san m p ap fè anyen. Mwen pa yon blofè k ap mache bay moun manti ak fo lespwa nan lide pou m peze doulè sitwayen yo», se sa nou souliye nan lèt la.

Pi lwen, Dr Nativita Carmelie St Hillien mete konsèy la toutouni ki, dapre li, p ap regle anyen nan tèt vil la. «Asenisman yon komin se yon ijans. Se yon mank respè ak diyite pou yon popilasyon kominal lè travay sa a pa reyalize», se sa li repwoche enplisitman konsèy kominal la.

Advertisement

Si Gonayiv se youn nan vil ki pa janm gen kouran elektrik depi plis 6 mwa epi ki plis sal nan moman an avèk fatra, Dr Nativita Carmelie St Hillien raple komin Gonayiv gen resous ki kapab ede l devlope tèt epi klase l nan ran tout gwo komin nan peyi a k ap rantre resèt pou.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *