madan-obama-trete-prezidan-trump-rasis-ak-mante

Madan Obama trete prezidan Trump rasis ak mantè

Ansyen premyè Dam amerikèn Michelle Obama atake lidè repibliken an madi a. Nan yon videyo madan Obama fè konnen prezidan Donald Trump se yon moun rasis epi k’ap simaye perèz ak konfizyon nan lespri Ameriken yo gras ak manti l ap bay.

Sa prezidan an ap fè yo pa gen pyès verite, moralman sa pa bon epi, wi, sa rasis”, se deklarasyon Michelle Obama amwenske yon mwa de eleksyon prezidansyèl 3 novanm lan, li te pwofite akize lokatè Mezon Blanch ke l responsab vag manifestasyon k’ap fèt kont vyolans polisyè yo nan peyi Lèzetazini, aprè lanmò plizyè afwo-ameriken.

Advertisement

Daprè Michelle Obama, ”sèl bagay prezidan sa fè pi byen, se itilize laperèz ak konfizyon, epi bay manti pou pote viktwa”.

Toujou nan videyo sila madanm 44e prezidan ameriken an mande pou ameriken yo ale vote kandida demokrat Joe Biden, yon dirijan ki genyen ”kè, eksperyans ak tanperaman nesesè pou mennen peyi Lèzetazini nan bon wout la”.

Pooshy ROSANA

Laisser un commentaire

Votre adresse e-mail ne sera pas publiée. Les champs obligatoires sont indiqués avec *