jovenel-moise-ak-opozisyon-an-pral-chita-pale-nan-jou-k’ap-vini-yo,-dapre-konfimasyon-anbasade-etazini-an-nan-onu

Jovenel Moïse ak opozisyon an pral chita pale nan jou k’ap vini yo, daprè konfimasyon anbasadè Etazini an nan ONU

Prezidan Repiblik la, Jovenel Moïse ak opozisyon an pral chita pale nan jou k’ap vini yo, daprè anbasadè Etazini an nan ONU, Kelly Craft.

Daprè diplomat la, tout planifikasyon te deja fèt pou aktè yo te rankontre pandan 4 ak 5 jou. Rankont sa yo anile akoz papa chèf leta a ki mouri.

«Akoz papa prezidan Jovenel Moïse ki mouri, rankont ant pati politik yo ki nan opozisyon an ak prezidan an retade», se sa diplomat la revele.

Daprè Kelly Craft, reyalizasyon eleksyon yo nan finisman ane a se yon etap ki enpòtan anpil k’ap pèmèt pouvwa lejislatif la retounen nan plas li.

Sektè demokratik e Popilè a ki pa t janm anonse si l te jwenn envitasyon pou l t al chita pale avèk chèf leta a, voye jete byen lwen deklarasyon diplomat ameriken an.

Advertisement

Pou Me André Michel, okenn negosyasyon pa posib ant opozisyon an ak rejim an plas la. «Nou pa pral negosye pòs sou kadav militan ak sitwayen rejim PHTK a touye. Nou pa pral nan eleksyon avèk Jovenel Moïse. Se chimen tranzisyon n’ap pran», se pozisyon sektè a.

Gouvènman ameriken an ankouraje Jovenel Moïse pou l òganize eleksyon yo nan peyi epi frennen ensekirite a.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *