yon-manm-kongre-ameriken-an-mande-anbasade-etazini-an-ayiti-an-pou-l’-opoze-avek-oganizasyon-eleksyon-yo

Yon manm kongrè ameriken an mande anbasadè Etazini an Ayiti an pou l’ opoze avèk òganizasyon eleksyon yo

Depite amerikèn nan Maxine Waters, nan yon lèt li voye bay anbasadè Etazini an nan peyi Dayiti, Michele Sison, mande pou l opoze avèk òganizasyon eleksyon yo rejim an plas la anonse li pral òganize.

Pou kongresmann nan, òganizasyon eleksyon yo ki p’ap gen okenn kredibilite nan kontèks kriz sosyopolitik la, ap lage peyi a nan plis kriz.

«Mwen mande w pou itilize eksperyans diplomatik ou ak enfliyans ou sou gouvènman an pou fè pwomosyon respè lalwa, dwa moun epi vire do w bay òganizasyon eleksyon yo rejim an plas la anonse a», se sa depite demokrat la mande anbasadè a pou l fè.

Advertisement

Maxine Waters di puiske prezidan Jovenel Moïse monte Konsèy elektoral pwovizwa a (KEP) pou kont li, sou baz yon dekrè ki vyole konstitisyon an, peyi Dayiti pral plonje nan gwo vyolans nan jou k’ap vini yo si otorite yo kwè eleksyon yo posib.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *