covid-19:-apati-aswe-a-repiblik-dominiken-ap-arete-epi-trennen-devan-lajistis-tout-moun-ki-pa-respekte-prensip-sanite-yo

Covid-19: apati aswè a Repiblik Dominikèn ap arete epi trennen devan lajistis tout moun ki pa respekte prensip sanitè yo

Pou kontwole pwopagasyon kowonaviris la sou teritwa dominiken an, otorite yo anonse ranfòsman mezi sanitè yo pou evite kowonaviris la plis pwopaje nan peyi a.

Ministè lasante piblik, defans, lapolis enteryè ak lapolis nasyonal avèti apati aswè vandredi a y’ap mete anba kòd epi trennen devan lajistis tout moun ki vyole kalandriye kouvrefe a, ki pa genyen pèmi pou sikile ak sila ki pa vle pote mask yo.

Otorite sila yo siyen yon akò pou mete sou pye yon inite k’ap sòti nan chak grenn enstitisyon sila yo, pou fè respekte prensip yo tankou distans sosyal, itilizasyon mask pwoteksyon epi tou orè kouvrefe yo.

Advertisement

Pandemi COVID-19 la deja touye omwen 2 mil 163 moun nan Repiblik Dominikèn, pou 116 mil 872 ka kontaminasyon, daprè done Òganizasyon Mondyal Lasante (OMS)pibliye sou sit entènèt li.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *