omaj-pou-junior-metellus-nan-rev-cinema

Omaj pou Junior Metellus nan Rev Cinema

Multimaj Entertainment, Standard Entertainment nan tèt kole ak S-prodz epi Faciné Production deside onore Aktè Junior Metellus jodi 11 Oktòb 2020 an nan Rev Cinema ki twouve l nan Petyon Vil.

Yon jounen aktivite ki te reyini pwodiktè, sineyas ak aktè pou kozri, konferans epi pwojeksyon Film « Pluie d’espoir » ki mete an vedèt aktè Junior Metellus, yon reyalizasyon Jacques Roc ki li menm te reponn prezan kòm entèvenan nan inisyativ sila.

Vladimir Jolicoeur, responsab Multimaj eksprime satisfaksyon l pou jounen sila , li avanse tou pou l di Junior te dwe gen yon omaj byen merite e se pou sa ekip la deside kenbe inisyativ sa pou onore aktè, aktris pi souvan epi sitou pandan yo vivan.

Advertisement

N’ap raple ansyen animatè Radio Metropole la, Junior Metellus te kite nou jou ki te Vandredi 25 septanm pase a, jiskaprezan poko gen twòp enfòmasyon sou sikonstans lanmò aktè a.

Angy Desravines

Laisser un commentaire

Votre adresse e-mail ne sera pas publiée. Les champs obligatoires sont indiqués avec *