repiblik-dominiken-deplwaye-preske-10-mil-solda-pou-pwoteje-fwontye-l’-ak-ayiti

Repiblik dominikèn deplwaye prèske 10 mil sòlda pou pwoteje fwontyè l’ ak Ayiti

Yon ekip 9 748 manm kò militè dominiken deplwaye sou tout fwontyè terès Repiblik dominikèn ak peyi Dayiti, pami yo 120 espesyalis direksyon ransèyman chèf eta majò ant lame yo, ki genyen kòm priyorite derasinen trafik dwòg sou fwontyè a epi bare ayisyen k’ap eseye rantre sou teritwa yo a ilegalman.

Yon fwontyè ki pa sou siveyans, ki neglije epi ki pa genyen fòs militè byen ekipe, bagay sa yo se te pou lontan” se deklarasyon pi wo grade militè Repiblik dominikèn lan, lyetnan jeneral Carlos Luciano Díaz Morfa.

Advertisement

Daprè minis Díaz Morfa, ki bay lòd sila, gwo prezans militè sila yo sou fwontyè Repiblik dominikèn ak vwazen l’ Ayiti ap pèmèt yo jere zòn nan epi amelyore aksyon yo sou kontwòl trafik ilisit moun, machandiz ak dwòg.

Pou moman an, kèk pòs fwontyè tankou Dajabón, Elias Piña, Jimaní, Pedernales, anba gwo siveyans, daprè otorite dominikèn yo.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *