pou-selman-mwa-septanm-nan,-73-802-ayisyen-ki-t-ap-viv-an-repiblik-dominiken-retounen-an-ayiti,-dapre-garr

Pou sèlman mwa septanm nan, 73 802 ayisyen ki t ap viv an Repiblik dominikèn retounen an Ayiti, daprè GARR

Daprè yon rapò Gwoup k ap apiye rapatriye ak refijye yo (GARR) pibliye, nan semèn nan, pou sèlman mwa septanm pase a, 73 802 ki t ap viv an Repiblik dominikèn rantre nan peyi Dayiti.

Nan chif sa yo, genyen yon total 69 290 ki chwazi retounen pou daprè volonte yo tandiske rès yo, swa 4 512, se otorite dominikèn yo ki rapatriye yo.

Men pou 8 premye mwa yo, sa vle di soti nan janvye pou rive nan mwa dawout 2020, responsab GARR yo fè konnen te genyen plis 278 786 ayisyen nan Repiblik vwazin nan ki retounen nan peyi a.

Advertisement

Nan peryòd sa a, otorite dominikèn yo te rapatriye 29 626 konpatriyòt ayisyen tandiske 249 160 te chwazi pran chimen pou yo te retounen Ayiti, daprè volonte yo.

GARR fè konnen konpatriyòt ayisyen sa yo ki t ap viv an Repiblik dominikèn se moun Mibalè, Leyogàn, Beladè, Laskawobas, Kafou, pou n site sa yo sèlman.

Otorite dominikèn yo di yo detèmine pou yo voye tounen tout Ayisyen san papye k ap viv sou sòl dominiken an epi ranfòse zòn fwontalyè yo pou anpeche lòt ki pa legal rantre lakay yo.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *