nons-apostolik-la-swete-yon-konstitisyon-ayisyen-ki-adapte-ak-reyalite-aktyel-peyi-dayiti

Nons apostolik la swete yon Konstitisyon ayisyèn ki adapte ak reyalite aktyèl peyi Dayiti

Reprezantan Sen Syèj an Espay ak Andore, Monseyè Bernadito Cleopas Auza, te chita pale semèn sa avèk Anbasadè peyi Dayiti nan peyi Espay, Doktè Louis Marie Montfort Saintil, nan lide pou makònen relasyon ak dyalòg yo ant peyi Dayiti ak otorite Sen Syèj yo.

Pandan antretyen yo, Monseyè Bernadito Cleopas Auza te fè konnen volonte l eksprime pou peyi Dayiti genyen yon Konstitisyon ki adapte ak reyalite aktyèl teritwa ayisyen an, k ap kapab garanti tèt ansanm nan sosyete a, yon estabilite nan enstitisyon yo epi relanse ekonomi nasyonal la.

Pa bò kote pa l, anbasadè Saintil, pami divès lòt pwen, te mete sou tab divès demach Misyon diplomatik la ap mennen nan lide pou ranfòse koperasyon yo nan domèn tankou politik, ekonomik epi komèsyal, sitou nan matyè akademik ak syantifik ant peyi Dayiti ak divès peyi nan penensil iberik la.

Advertisement

Nons apostolik la te bay yon lòt fwa ankò angajman Sen Syèj la pa bò kote pèp ak Gouvènman ayisyen an, epi fè konnen li satisfè pou bon jan relasyon ki genyen ant Legliz katolik ak peyi Dayiti.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *