yon-gwoup-milite-dominiken-retrete-alete-prezidan-luis-abinader-sou-yon-rezo-gang-ki-resevwa-zam-pou-destabilize-ayiti

Yon gwoup militè dominiken retrete alète prezidan Luis Abinader sou yon rezo gang ki resevwa zam pou destabilize Ayiti

Yon total 161 pèsonalite dominikèn, pami yo lyetnan jeneral José Miguel Soto Jiménez, jeneral divizyon Guillermo Guzmán Fermín ak jeneral Plutarco Medina, ki te pase nan pi gwo pòs nan Lame ak polis dominikèn nan, atire atansyon prezidan Luis Abinader sou yon rezo gang ki byen òganize nan Repiblik dominikèn.

Daprè jounal Listin Díario ki site pèsonalite sa yo, rezo gang sa a resevwa, nan men lòt peyi, zam modèn, anpil minisyon avèk ekipman kominikasyon byen sofistike ak resous ekonomik (lajan) nan lide pou yo kreye destabilizasyon nan peyi Dayiti.

Nan yon lèt tou louvri siyatè yo voye bay prezidan an, ki pibliye nan kolòn jounal dominiken an, gwoup pèsonalite sa a eksplike chèf leta dominiken an lè Ayiti gen dezòd, konsekans lan se pou sitwayen dominiken yo ki p ap ka viv byen lakay yo akoz plis Ayisyen pral refijye yo sou sòl dominiken an.

Advertisement

Yo prevwa nan jou ki pral vini yo sityasyon sosyo-ekonomik lan ki te deja pran gwo frap anba men Covid-19 la ap vin pi mal nan peyi Dayiti.

«Relasyon ant 2 nasyon yo pral volatil ak eksplwoziv anpil. Prezidan Luis Abinader dwe pran mezi rapid fas ak transfè masif Ayisyen yo nan peyi Dayiti», se sa nou souliye.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *