ekriven-raynel-e-paul-ranpote-pri-joseph-d.-charles

Ekriven Raynel E. Paul ranpòte pri Joseph D. Charles

Ekriven epi sikològ Raynel E. Paul ranpòte 18e edisyon pri Joseph D. Charles bibliyotèk Georges Castera nan Lenbe (BGCL).

Jiri a desène premye pri a bay ekriven Raynel E. Paul pou ouvraj li ki pote tit : «Au bout des mots», daprè yon nòt ki pote siyati Clément Benoît II ak Mèt Offrane Toussaint ki se youn aprè lòt responsab bibliyotèk la epi prezidan jiri a.

«Liv sa a prezante sityasyon yon kategori timoun (ti gason ak tifi) k l’ap viv nan plizyè rezidans ki fèt pou yo. Se yon eksperyans otè a viv nan rezidans sa yo ki te resevwa timoun yo aprè tranblemanntè 12 janvye 2010 la ki te kraze peyi a», se sa nou li nan 4e kouvèti liv la.

Advertisement

Pri Joseph D. Charles kreye nan lane 2002. Objektif li se kenbe vivan memwa Joseph D. Charles, yon briyan entèlektyèl, ekriven epi diplomat ayisyen ki se natif Lenbe.

Daprè enfòmasyon Haïti News kolekte, Raynel Paul fèt Lenbe nan dat 14 jiyè 1975. Li etidye sikoloji nan Inivèsite Leta Dayiti.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *