lapolis-nasyonal-mete-men-nan-kolet-prezime-asasen-mikerlange-francois-a

Lapolis nasyonal mete men nan kòlèt prezime asasen Mikerlange François a

Plizyè ajan nan Polis nasyonal Dayiti a (PNH) nan Kavayon (depatman Sid peyi a) mete men nan kòlèt Obenson Saindor, prezime asasen ki ta touye ajan Bigrad entèvansyon motorize (BIM), Mikerlange François, nan Petyon-Vil, nan lannuit samdi pou rive dimanch 18 oktòb pase a.

Daprè Jacques Joël Orival, Direktè depatmantal polis la nan depatman sid, ki konfime nouvèl la, nan moman arestasyon an, ajan PNH yo jwenn sou prezime asasen an yon Towous 9 mm ki se pwopriyete enstitisyon polisyè a.

Polisye yo jwenn tou nan men prezime asasen an yon «Gluck 40» li ta sèvi pou l touye ajan BIM nan.

Advertisement

Jacques Joël Orival fè konnen Robenson Saindor jwenn arestasyon l nan moman li t ap tante rantre sou yon motosiklèt nan komin Dam-Mari (depatman Grandans).

Mikerlange François ki te jwenn transfè l pou l t al travay nan depatman Gradans te resevwa anviwon 5 bal nan men asasen yo nan yon klèb Kazino.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *