sekte-demokratik-e-popile-a-demanti-tout-negosyasyon-avek-rejim-an-plas-la

Sektè demokratik e popilè a demanti tout negosyasyon avèk rejim an plas la

Nan yon nòt, Sektè demokratik e popilè a demanti tout enfòmasyon ki fè kwè plizyè manm nan sektè a t al chita pale avèk pwòch pouvwa a nan lide pou yo negosye.

Daprè yon atik ki pibliye nan kotidyen Le Nouvelliste, se Walson Sanon, yon manm nan sektè a ki te planifye rankont sa yo avèk kèk pati politik ki nan kan pouvwa a.

Daprè responsab sektè a, Walson Sanon pa janm patisipe ni nan reyinyon ni nan okenn aktivite regwoupman an, depi plis pase yon lane. Walson Sanon pa manm sektè demokratike popilè a ankò, daprè responsab yo.

Advertisement

Ansyen depite Abel Descolines ki te patisipe nan rankont yo konfime sou yon radyo nan kapital la te genyen plizyè lòt aktè ki te prezan pami yo ansyen Senatè Simon D. Desras ak kèk reprezantan plizyè pati politik tankou KID ak Verite.

Sektè demokratik e popilè a di negosyasyon sa yo depaman avèk revandikasyon regwoupman an k ap mande pou prezidan Jovenel Moïse kite pouvwa a, 7 fevriye 2021.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *