plizye-santen-elev-boykote-egzamen-bakaloreya-yo-nan-plizye-vil-nan-peyi-a

Plizyè santèn elèv bòykote egzamen bakaloreya yo nan plizyè vil nan peyi a

Plizyè dizèn elèv ki t al konpoze nan bakaloreya, nan vil Tigwàv (depatman Lwès), sabote plizyè sant egzamen, jodi jedi 22 oktòb 2020 an. Rezon an : elèv yo denonse difikilte egzamen yo pou ane a ki pa marande avèk pwogram yo te etidye nan ti bout tan yo te pase nan klas yo.

Elèv sa yo, nan site Faustin Soulouque la, raple minis edikasyon an, Pierre Josué Agénor Cadet, li te pwomèt yo akoz kriz Covid-19 la ki te bloke aktivite eskolè yo, egzamen yo t ap baze sou sa yo te etidye.

Yon sityasyon ki pa t diferan pou plizyè elèv nan depatman Nip peyi a. Nan sans sa a, ayè mèkredi a, plizyè dizèn elèv te manifeste nan vil Miragwàn nan lide pou kritike move metòd responsab yo, ki nan tèt Ministè edikasyon nasyonal ak fòmasyon pwofesyonèl (MENFP), itilize pou yo chwazi egzamen yo.

Advertisement

Nan vil Okap, kolaboratè nou Guyno Duverné konfime plizyè elèv te foule beton an madi pase a nan menm lide a: denonse epwèv egzamen bakaloreya yo ki, daprè elèv yo nan 2e vil peyi a, twò difisil.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *