yon-adolesan-14-lane-tonbe-anba-bal-bandi-nan-zon-okay

Yon adolesan 14 lane tonbe anba bal bandi nan zòn Okay

Mardochée Wagnac, se non adolesan sa ki gen 14 lane ki mouri anba bal bandi nan lannuit 21 oktòb la nan zòn Vernet, yon ti lokalite nan vil Okay. Ti pitit sa rive pèdi lavi l paske l te refize bay bandi ki gen zam nan men l’ telefòn li apre l’ te mande l’ li, daprè enfòmasyon komisè Okay la, Me Ronald Richemond.

Kèk minit aprè dram sila, plizyè otorite nan vil Okay te rann yo sou plas ak yon jij de pè pou te fè konsta kadav la.

Advertisement

Komisè Ronald Richemond anonse li gentan idantifye kèk pis. Daprè mèt la, majorite malfra ki komèt zak malonèt sa, yo se moun ki twouve yo nan zòn mache Jedi. Li pwomèt tou l ap met men nan kòlèt bandi sa yo.

Ayiti yon ti peyi ki livre bay nèg avèk zam ki gen dwa vi a lanmò sou nenpòt sitwayen.

Jeff Jean Joseph

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *