bernard-gousse:-«konstitisyon-prezidan-jovenel-moise-swete-a-ekri-deja»

Bernard Gousse: «Konstitisyon prezidan Jovenel Moïse swete a ekri deja»

Me. Bernard Gousse, ansyen minis jistis ak sekirite piblik, konfime sou plato televizyon Métropole, espesyalman nan ribrik «Le Point», jodi lendi 26 oktòb 2020 an, nouvèl Konstitisyon prezidan Repiblik la ap pwone a ekri deja.

San l pa t site okenn non ki reyalize tach sa a, M. Gousse fè konnen entèvansyon piblik chèf leta a sou dosye sa a se yon makiyaj. «C’est de la poudre aux yeux paske moun k ap ekri Konstitisyon an yo ekri l deja», se sa Me. Bernard Gousse konfime nan mikwo Lucner Garreau.

M. Gousse ki dakò pou peyi a genyen yon lòt Konstitisyon di l regrèt pa gen okenn deba ki fèt sou kesyon sa a. «Deba yo te dwèt sou liy direktris Konstitisyon an avan travay redaksyonèl la. Malerezman, chèf leta a pa kreye kondisyon pou sa

Advertisement
», se deklarasyon M. Gousse ki raple prezidan an nan yon langaj kòde:
«Bwè l vale l pa posib nan 21e syèk la ankò».

Me. Bernard Gousse kwè li poko ta pou òganizasyon ki nan sosyete sivil la tankou inivèsite a angaje l nan lide pou kontrekare pwojè nouvèl Konstitisyon an.

Wilner Jean

Laisser un commentaire

Votre adresse e-mail ne sera pas publiée. Les champs obligatoires sont indiqués avec *