irak-:-dezyem-chef-rejim-saddam-hussein-lan-mouri

Irak : Dezyèm Chèf rejim Saddam Hussein lan mouri

Ezzat Ibrahim al-Douri, dezyèm chèf rejim Saddam Hussein lan mouri, daprè anons pitit fi diktatè irakyen an. Peyi Lèzetazini t ap chèche l depi nan lane 2003.

Wachinnton te mete yon prim 10 milyon dola ameriken sou tèt li pandan envazyon ki te ranvèse rejim nan ak Baas la (yon pati ki t ap gouvène peyi Irak depi 1968) sou pouvwa.

Alòske ”Wa Trèf la” te nan mawon, plizyè rimè lanmò kouri sou do l oparavan men responsab ak patizan ansyen rejim nan te demanti enfòmasyon yo.

Advertisement

Plizyè kamarad lit Ezzat Ibrahim al-Douri ak Baas la prezante kondoleyans yo ak fanmi ansyen Vis prezidan irakyen an, men yo pa bay okenn detay sou ki kote ak ki kondisyon ansyen chèf la mouri.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *