zile-latoti-:-ministe-zafe-aletranje-reponn-kanye-west-nan-yon-kominike

Zile Latòti : Ministè zafè aletranje reponn Kanye West nan yon kominike

Sou kont Twitè’l atis afwo-ameriken Kanye West deklare madi a:” prezidan peyi Dayiti a bannou yon zile (Latòti)… pou n devlope yon vil fiti”, yon deklarasyon ki sisite anpil deba ak mekontantman nan sosyete ayisyèn lan.

Ministè zafè aletranje ayisyen an pa t pran tan pou bay repons. Nan yon kominike li souliyen, prezidan repiblik la Jovenel Moïse ”pa genyen okenn lide ak tantasyon pou vann teritwa nasyonal la”.

N ap raple fen mwa septanm, nan okazyon vizit atis la sou teritwa ayisyen an, prezidan Jovenel Moïse te envite antreprenè nwa yo vin envesti nan peyi Dayiti.

Advertisement

Mari Kim Kardashian lan te chanje sans pawòl li yo epi presize sou rezo sosyal yo, ”li angaje l” pa bò kote gouvènman ayisyen an pou fè ”envestisman k ap transfòme peyi a, pote travay, devlopman, epi ede agrikiltè ak pechè lokal yo pou konstwi yon nouvo vil fiti nan yon bèl peyi.”

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *