dcpj-prezante-3-prezime-asasen-nan-kad-anket-evelyne-sincere-la

DCPJ prezante 3 prezime asasen nan kad ankèt Evelyne Sincère la

Aprè plizyè inite espesyalize nan lapolis la te fè yon bèl kout filè nan Dèlma 24, lendi 9 novanm nan, bò 3 zè nan maten, yo rive mare 3 prezime asasen nan kad ankèt sou sekestrasyon, vyòl ak asasinay liseyèn nan, Evelyne Sincère.

Direksyon santral polis jidisyè (DCPJ), prezante Obed Joseph ak 2 lòt prezime asasen yo nan kad dosye asasinay sila. Evald Domerçant ki gen 22 lane ak Michel Jerry Domerçant 28 lane, se 2 prezime asasen nan kad dosye sila.

Daprè prezime asasen yo, aprè yo te fin kidnape Evelyne, yo ta pral deside touye ti demwazèl la kèk jou aprè. Nan sans sa, yo ta pral konpoze yon pwazon (bòz ak pwazon rat) bay Evelyne Sincère bwè pou swadizan enfeksyon. Aprè yon ti tan yo ta pral deside toufel ak yon tèt zorye poul te ka mouri pi vit.

Advertisement

Prezime asasen yo, eksplike lè yo fin toufe Evelyne pou l te mouri, yo ta pral mete li nan yon dwoum epi jetel nan fatra nan Delmas 24. Daprè presizyon yo, pat gen moun ki te ede yo, se pote yo te pote dwoum nan.

DCPJ ap fin fè travay li pou defere malfra yo devan kabinè enstriksyon pou swit nesesè nan dosye sa a.

Jeff Jean Joseph

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *