bandi-ak-zam-nan-nivo-gwo-mon-pran-an-otaj-yon-bis-ki-fe-traje-potoprens-podpe

Bandi ak zam nan nivo Gwo Mòn pran an otaj yon bis ki fè trajè Pòtoprens-Pòdpè

Bandi ak zam atake yon bis ki fè Pòtoprens-Pòdpè nan nivo Gwo Mòn jounen vandredi 13 novanm 2020 an. Malfra yo kenbe an otaj pasaje ki te twouve yo nan bis sila depim maten, daprè enfòmasyon ki rive jwenn Haïti News. Reponsab inifye travayè ayisyen yo (MUTH), Hemrode Sanon mande pou lapolis pote yo èd.

Bis sila ki te gen 43 pasaje ladann, t’ap pran direksyon Pòdpè. Pandan bis la rive sou pon Gwo Mòn nan, yon bann sivil ame ta pral atakel, kraze machin nan, avan yo pran tout moun ki te ladann an otaj.

Advertisement

Ki kote sa ap rive? Se kesyon anpil sitwayen k’ap viv anndan peyi an ap poze. Daprè yo menm, yon kote ki gen yon ti kal sekirite se pa paske leta vle, men se pito paske bandi poko vle kontwole teritwa sa a.

Jeff Jean Joseph

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *