etazini-:-24-migran,-pami-yo-14-ayisyen-jwenn-arestasyon-yo-nan-palm-beach

Etazini : 24 migran, pami yo 14 ayisyen jwenn arestasyon yo nan Palm Beach

Otorite imigrasyon peyi Lèzetazini anonse yo entèsepte 24 migran, pami yo 14 ayisyen, ki t’ap eseye rantre nan peyi Lèzetazini abò 2 bato tou pre Palm Beach, nan nò Miami.

Chèf patwouy fwontalyè nan sektè Miami, John R. Modlin fè konnen, yo arete youn nan bato migran yo ayè lendi a tou pre klèb Mar-a-Lago, ki se pwopriyete prezidan ameriken an, Donald Trump.

Li eksplike 9 manb ekipaj yo jwenn arestasyon, san konte 2 nan yo ki sòti peyi Baamas, gen akizasyon kriminèl sou do yo.

Advertisement

N’ap raple, depi oktòb 2019 Customs and Border Protection (CPB) ak gadkòt ameriken enfòme yo arete plis pase 2 mil 500 imigran ayisyen ki t ap eseye rantre ilegalman nan peyi Lèzetazini, pou bout jounen jodiya.

Pooshy Rosana

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *