lapolis-fouke-nimewo-3-baz-5-segond-lan-ak-3-malfra-parey-li

Lapolis fouke nimewo 3 baz 5 segond lan ak 3 malfra parèy li

Ayè samdi 21 novanm nan, Direksyon Santral Polis Jidisyè (DCPJ) mennen yon operasyon nan “Sarthe”, ki debouche sou arestasyon 4 bandi notwa, ki fè pati baz 5 segond. Nimewo 3 baz sila a, Peterson Benjamin alyas Ti Peter rive jwenn arestasyon l.

Saint-Louis Rosenord, François Inel ak Jackner Délice se 3 lòt malfra, ajan DCPJ yo rive fouke nan kad menm operasyon sa a. Lapolis rive sezi yon machin “Hilux” ki gen koulè blan, mesye sa yo te vòlè pou ministè jenès, espò ak aksyon sivik.

Advertisement

4 prezime kriminèl sa yo pou kounya nan DCPJ pou reponn kesyon sou plizyè zak kidnapin ki fèt nan zòn Pòtoprens lan.

Nouvo direktè jeneral polis la, Léon Charles pwomèt pou mare tout bandi k’ap simen latwoublay anndan peyi a.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *