lapolis-nasyonal-stope-2-prezi-bandi-baz-“400-mawozo”

Lapolis nasyonal stope 2 prezi bandi baz “400 Mawozo”

Lapolis nan komin Kwadèboukè stope 2 prezime bandi ki fè pati baz 400 Mawozo ayè mèkredi 25 novanm 2020 an. Bandi sia yo t’ap feraye nan lokalite Dival.

Dan ak Schneider se non 2 prezime sa yo ki jwenn lanmò yo ayè, sèlman yon semenn aprè fòs lòd yo te stope 3 bandi ki nan menm baz 400 Mawozo a, nan lokalite Papay.

Piti piti fòs lòd yo ap eseye redui kapasite gang sila, ki kontwole komin Kwadèboukè, nan simaye latwoublay nan mitan popilasyon an.

Advertisement

Baz 400 Mawozo se li menm ki kontwole teritwa Kwadèboukè a, kote anpil sitwayen deja pèdi lavi yo anba men bandi sa yo. Epi baz sa sezi anpil machin, kote yo ekzije gwo sòm kòb pou remèt machin sa yo.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *