fos-lod-yo-tire-2-bandi-nan-komin-petyonvil

Fòs lòd yo tire 2 bandi nan komin Petyonvil

Lapolis touye 2 pami 3 bandi ki t’ap fouye kanbis maten samdi 28 novanm nan, nan komin Petyonvil, sou plas Senpyè. Bandi yo ta pral rantre nan Choukoun plaza pou fè echanj ak fòs lòd yo ki te antoure tout antrepriz la. Nan echanj kout bal gen yon polisye ki sòti blese grav.

Nan imaj ki rive jwenn Haïti News nou kapab konstate youn pami vòlè ki tonbe yo, ak yon zam bò kotel epi plizyè biyè 250 ak 500 goud ki antoure li.

Advertisement

Imedyatman aprè atak sa, gen yon gwo prezans lapolis nan Ri Lama Petyonvil, pou kapab asire sekirite antrepriz ki nan zòn nan.

Sèlman kèk jou avan fèt fen ane yo rive, popilasyon an kapab remake yon detèminasyon moun ak zam genyen anndan peyi a, pou anpeche pèp la okipe aktivitel nòmalman.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *