yon-lot-fwa-anko-medsen-yo-foule-beton-an-pou-di-non-kont-zak-ensekirite-a

Yon lòt fwa ankò medsen yo foule beton an pou di non kont zak ensekirite a

Yo se plizyè dizèn medsen ak etidyan nan fakilte medsin ki foule beton an jodi lendi 30 novanm 2020 an, pou di non kont kidnapin ak ensekirite k’ap taye banda nan peyi a.

Yo te rasanble devan fakilte medsin ak famasi, pran direksyon Lali, blouz sou yo, pankat nan men, pandan y ap monte Lali, lapolis ta pral kraze mouvman an nan plede bay gaz, menm gen yon medsen ki rive blese aprè l fin resevwa yon kout bonbòn gaz lakrimojèn nan tèt li.

Advertisement

Medsen yo pat mete dlo nan bouch yo pou kritike konpòtman ajan fòs lòd yo. Daprè yo menm, mouvman y ap fè a pa sèlman pou medsen parèy yo, men pito pou tout kouch ki sibi zak ensekirite anndan peyi a.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *