depi-plis-pase-24e-pesonn-pa-konn-ki-kote-guyler-delva-ye

Depi plis pase 24è pèsonn pa konn ki kote Guyler Delva ye

Animatè maten Karayib la Guyler Delva entwouvab depi dimanch nan lannwit. Daprè pwòch jounalis la, dènye fwa yo te rive jwenn Guy nan telefòn se te dimanch a 8è nan lannwit. Depi lè a Guyler pa fè okenn siy vi, sa ki komanse enkyète tout ekip Karayib la, zanmi ak fanmi jounalis la, kote ensekirite a ap vale teren.

Daprè enfòmasyon k ap sikile, epi kèk jounalis rive rapòte, Direksyon Santral Polis Jidisyè (DCPJ), te rive retrase telefòn jounalis la nan zòn Jalouzi, yon lokalite nan Petyonvil.

Advertisement

Rechèch yo ap kontinye, pou konnen egzakteman kisa jounalis la genyen. Men chak fwa yon jou pase, sitiyasyon an vin plis enkyetan.

Fas a zak kidnapin nan k ap vale teren, kote chak jou plizyè moun rive kidnape, sitiyasyon Guy an kòmanse enkyete tout pwòch li yo.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *