joseph-jouthe-mande-sitwayen-yo-defann-tet-yo-nan-lari-a

Joseph Jouthe mande sitwayen yo defann tèt yo nan lari a

Nan seremoni pou te klotire sezon siklonik lan jodi lendi 30 novanm 2020 an, premye minis Joseph Jouthe te tou pwofite pale de sitiyasyon sekiritè a k ap mangonmen chak jou pi plis.

Nan sans sa chèf primati a mande pèp la fè anpil pridans epi rete vijilan. Nimewo 1 konsèy siperyè polis nasyonal la, ki depi kèk tan ap fè “One man Show”, mande sitwayen yo pou defann tèt yo fas a bandi yo.

Yon sitiyasyon ki malouk chak jou pi plis, tan pou otorite yo ta pran responsabilite yo, epi anonse mezi drastik ki pral pran, pou mete fen a eskonbrit ki genyen la, nimewo 1 CSPN nan mande pèp la defann tèt li poukont li fas a bandi yo ki byen ekipe.

Advertisement

N ap raple denye semenn sa yo se kidnapin an seri ki genyen nan zòn metropolitèn nan, kote komin Dèlma ak Sant Vil la se kote bandi kidnape plis moun.

Fas a sitiyasyon malouk sa, menm sanblan CSPN nan pa fè, pou ta rasire popilasyon an. Pèp la livre a li menm, pandan otorite ap touche san yo pa bay okenn sèvis.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *