apre-«mach-pou-lavi»-10-desanm,-plizye-oganizasyon-lanse-mobilizasyon-nasyonal-a-pati-29-desanm

Apre «Mach pou lavi» 10 desanm, plizyè òganizasyon lanse mobilizasyon nasyonal a pati 29 desanm

GWOUP INISYATIV « MACH POU LAVI »
Nòt pou Laprès 

Mobilizasyon nasyonal !!!

Jedi 24 desanm 2020 ((rezonodwes.com))– Apre « Mach pou lavi » 10 desanm 2020 an, tout kalte òganizasyon sosyete sivil la ki te patisipe nan inisyativ sa voye yon gwo kout chapo pou tout sitwayen fanm kou gason, tout latriye pèsonalite nan divès sektè ki te reponn prezan sou beton an nan dat 10 desanm 2020, pou vini krache kòlè yo epi di non a kesyon kidnapin deta òganize sila a epi di wi pou la vi.

Mach 10 desanm nan te montre yon lot fwa volonte ak detèminasyon pèp ayisyen an pou li viv nan byenèt, san kè sote.  Mach sila a te genyen yon gwo rezonans politik isit tankou lòt bò dlo. Mach sila a  te fòse anpil dirijan kòmanse chanje diskou. Li genyen bonjan konsekans pozitif sou konjonkti politik nan peyi a. Anpil moun nan diferan gwoup sosyal ak yon seri pèsonalite te patisipe nan mach sila a. l Li te sèvi kòm yon revèy pou divès kalite gwoup sosyal nan peyi a.  Mach la te gen yon gwo siksè parapò ak kalite revandikasyon sosyete sivil la te pote ladan l.  

Aprè nou fini evalye aksyon sa a nou wè li enpòtan pou n kontinye chita ansanm epi gade ki kalte swivi  nou dwe fè pou kontinye pote kontribisyon nou kòm sitwayen nan ede rezoud pwoblèm ensekirite deta planifye a anpatikilye kidnapig deta òganize sila a ki lakòz anpil fanmy ap kriye epi dekapitalize totalman …

Nou remake sitiyasyon kidnapin nan ap anpire chak jou nan tout peyi a. Menm jou 10 desanm nan te gen plizyè zak kidnapin ki fèt nan Pòtoprens. Konsa, « nou pa kapab gen vakans nan moman finisman lane a », nan pèspektiv pou chavire chodyè kòripsyon an. Se konsa nou deside kontinye aksyon nou te lanse yo pou ede sosyete a soti nan KAFOU DANJE  li ye jounen jodi.

Advertisement

Nan lide pou pou pote kontribisyon sitwayèn nou nan lide pou rezoud pwoblèm ensekirite, kidnapin kap fè sosyete a monte lesyel pa do. Se poutèt sa nap òganize yon KOKENN AKSYON MOBILIZASYON nan dat 29 desanm 2020 an yon konferans popilè sou kesyon kidnapin nan nan jaden Kiskeya sou tèm :

o   DIVÈS KONSEKANS kidnapin nan sou lavi popilasyon an AK SA N DWE Fè ANSANM POU DESITIRE KIDNAPIN NAN

Epi 1er janvye 2021 an nap òganize yon mach LESPWA nan pòtoprens ak tout rès peyi a ak yon mach sou tèm : « soup 1e janvye a dwe ban nou plis jèvrin pou n kontinye goumen kont pouvwa PHTK a kif è yon sèl ak bandi kap retire libète ak detwi lavi ».    
Mach pou lespwa, se yon mach pou nou di nou bouke ak sitiyasyon kidnapin nan, nou pa kapab janbe nan lane 2021 an nan menm kondisyon sa. Fòk nou nouri lespwa demen ap pi bon. Mach sa se lokazyon pou n mobilize pou n di NON.

Nou andanje an nou mobilize nou pou n soti.
Nap tann tout moun alawonbadè
Pou GWOUP INISYATIV:

Pou otantifikasyon
Sabine Lamour, SOFA

Josué Merilien, Konbit

Iswick Théophin, Nou se Dorval

Duclos Bénissoit, Sendika chofè/ MUTH

Manoucheka Jules, Fanm vanyan

Jeanty MAnis, Fòs Delma

Jean-Ronald Olyc, victim masak yo

Jean Emmanuel Valentin, Viktim la Salin
Kebert  Bastien , KATAN

Katan
Nou konsyan
Pon44
Fòs Dèlma
Rmph
Muth
Pnstf
 Chalenjè popilè
Sofa
Folas
Nou pap dòmi
Komite Etidyan Ens
Klèb sosyal
Kolektif viktim
Pa rete chita gade
Sendika chofè Moto
Kredfa
Fanm vanyan
Cardm 
RNDDH
Se twop atò
Nou se DORVAL
Konbit
Unnoh
Katan

Laisser un commentaire

Votre adresse e-mail ne sera pas publiée. Les champs obligatoires sont indiqués avec *