bandi-ak-zam-kidnape-dr-elie-henri-ak-tout-pitit-fi-l

Bandi ak zam kidnape Dr Elie Henri ak tout pitit fi l

Pandan peryòd nwèl la anpil sitwayen rive sibi zak kidnapin anndan peyi Dayiti. Nan lannwit jedi 24 desanm 2020 an, bandi kidnape Dr Elie Henri ak tout pitit fi l epi ekzije yon sòm 5 milyon dola ameriken pou libere otaj yo, daprè jounal “VOA Kreyòl “.

Dr Elie Henri se prezidan Divizyon Entèamerikèn Advantis Setyèm Jou yo. Dr Elie Henri ak tout pitit li, ta pral sibi zak kidnapin sa nan moman yo te fin patisipe nan yon sèvis relijye.

Daprè yon sous pwòch “Union de Mission des Adventistes du Septième Jour d’Haiti (UMASH), ravisè yo reklame 5 milyon dola pou libere otaj yo.

Advertisement

Dr Elie Henri ki se dirijan DIA a ki gen baz li nan Miami (Florid) twouve l an Ayiti pou kèk aktivite eklezyastik, administratif ak familyal.

Ka kidnapin yo pa sispann ogmante nan peyi a. Pèp la pa konn a ki sen pou yo ta adrese paske leta sanble fayi a misyon yo ki se pwoteje vi moun ak byen anndan peyi a.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *