anplwaye-laboratwa-nasyonal-kanpe-travay-pou-ekzije-liberasyon-yon-anplwaye-bandi-kidnape

Anplwaye laboratwa nasyonal kanpe travay pou ekzije liberasyon yon anplwaye bandi kidnape

Medsen ak teknisyen laboratwa nasyonal foule beton an jodi lendi 28 desanm 2020 an pou ekzije liberasyon kolèg yo, Berthony Silva, bandi ak zam kidnape ansanm ak bòfrè li, Jean Renold Saint-Hilaire, nan komin Lyankou.

Pèsonèl sante laboratwa a deside kanpe travay jiskaske, yo jwenn liberasyon konfrè yo. Laboratwa nasyonal se sèl enstitisyon anndan peyi a kote tès “Covid 19” yo fèt.

Anplwaye pat deside rete sèlman ak pankat nan men yo, men te deside mete barikad sou wout Dèlma 33 a, pou te anpeche gen sikilasyon machin.

Advertisement

N ap raple Berthony Silva ak Jean Renold Saint-Hilaire ta pral sibi zak kidnapin nan Lyankou depi dat ki te madi 22 desanm 2020 an. Daprè enfòmasyon yo, fanmi yo deja bay lajan 2 fwa deja, men ravisè deside poko janm libere yo.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *