2-ajan-usgpn-mouri-nan-yon-anbiskad-nan-podepe

2 ajan USGPN mouri nan yon anbiskad nan Pòdepè

Sonson Harold ak Louckly François, se non 2 ajan Inite sekirite jeneral Palè nasyonal (USGPN), ki mouri byen bonè jedi 31 desanm lan, Pòdepè.

”2 ajan sekirite yo pèdi lavi yo nan moman yo t ap transpòte youn nan pitit koup prezidansyèl la. Yo fè aksidan aprè endividi yo pa rive idantifye tire sou machin yo, tou pre Kafou Jòf”, daprè yon ajan menm inite a, ki mande kouvèti anonima.

”Machin Louckly François ak Chanson Harold te ladan l lan pat an bon eta, lòt machin yo te kouri ale pou pwoteje VIP a”

Advertisement
, selon menm sous la.

Ensekirite a k ap vale teren pa epanye pyès moun an Ayiti. Sivil, otorite leta kou lapolis, tout viktim zak bandi san fwa ni lwa ap poze nan tout rakwen peyi a.

Pooshy Rosana

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *