vyolans-sou-fanm,-yon-zak-ki-repete-anpil-nan-sosyete-ayisyen-nan

Vyolans sou fanm, yon zak ki repete anpil nan sosyete ayisyèn nan

Sherley Monfort mouri asasinen ak kout kouto nan dat 31 desanm 2020. Se mennaj li Zenden Cherestal ki poze zak malonèt sila a. Sherley pa premye ni li p ap dènye fi ki sibi zak malonèt sa yo. Dayè youn nan gwo pwoblèm ki gen an Ayiti, anpil fi ki sibi vyolans konjigal toujou gen difikilte jwenn jistis.

Yo se plizyè fanm nan sosyete a ki souvan sibi zak malonèt sa yo kote mennaj ou mari yo bat yo jan yo vle, pafwa menm rive touye yo. Lis la long anpil men n ap oblije site kèk non.

Ginoue Mondésir, se youn nan fi nan peyi a mari l touye l yon 24 desanm, men l poko janm jwenn jistis. Malgre lajistis te gentan mare Valdo Jean, tranbleman tè 12 janvye a ta pral jwe an favè l, kote l te sove. Jis jounen jodi a yo poko janm jwenn li ankò.

Juslène Jean Charles, yon ansyen anplwaye yon bank nan kapital la, ta pral pèdi lavi l aprè l te fin sibi vyolans nan men konjwen li Emmanuel Dieujuste ki se avoka epi pwofesè. Juslène mouri kite yon ti pitit fi ki p ap janm ka wè l ankò.

Advertisement

Natacha Rhau, yon sèvant epi manman 3 pitit, ta pral pèdi lavi l Kay-Jakmèl apre mari l te fin rache l ak manchèt.

Marlène Colin, manman yon ti fi, ta pral pèdi lavi l 3 me 2018, aprè mari l te fin ba l plizyè kout kouto nan vil Jakmèl.

Haïti News rive kolekte foto tout viktim sa yo gras a Luc Mathson Augustin.

N ap raple si chak gason ki bat oubyen touye yon fi lajistis aji jan lalwa di, gen posibilite pou zak malonèt sa yo poze mwens nan sosyete a.

Jeff Jean Joseph

Laisser un commentaire

Votre adresse e-mail ne sera pas publiée. Les champs obligatoires sont indiqués avec *