lapolis-arete-plizye-machann-k-ap-revann-gaz-ilegalman-nan-lari-potoprens

Lapolis arete plizyè machann k ap revann gaz ilegalman nan lari Pòtoprens

Otorite polisyè yo mete anba kòd plizyè endividi ki t ap vann gaz nan galon nan kapital la, Pòtoprens. Yo t ap revann li ilegalman, san konte ak yon pri ki wo.

Sòti dimanch pou bout lendi swa, Direksyon Depatmantal Lwès (DDO) nan tèt kole ak Sekirite Piblik, komisè adjwen gouvènman epi lapolis, mennen yon vas operasyon pou fouke moun k ap vann gaz la pa galon nan lari, epi sezi plizyè ”galon jòn” tou.

Depi fen mwa desanm nan, ”mache nwa” gazolin nan rekòmanse pran chè avèk moun bò lari k ap vann galon gazolin lan 1000 (mil) goud pou pi piti. Malgre Biwo Monetizasyon Èd pou Devlopman (BMPAD) anonse yon kagezon 165.000 baril esans deja disponib nan ponp yo, sa pa anpeche trafik la pètibe akòz rate gaz la, nan kèk komin tankou Kwadèboukè, Taba, Delma ak Petyonvil. Plizyè chofè moto ak machin, galon nan men, ap goumen nan estasyon esans yo nan lide pou jwenn yon ti gout gaz.

Advertisement

Pooshy Rosana

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *