maxine-waters,-yon-gwo-manb-kongre-ameriken-an-mande-joe-bidensanksyone-fonksyone-rejim-phtk-a

Maxine Waters, yon gwo manb Kongrè ameriken an mande Joe Bidensanksyone fonksyonè rejim PHTK a

Maxine Waters, ki reprezante 29e, 35e, 43e distri nan Kongrè a depi 1991, mande pou administrasyon Joe Biden nan pran sanksyon kont divès fonksyonè rejim PHTK a ki defakto.

Selon fanm demokrat la, Etazini kapab pran plizyè mezi k ap pèmèt kriz la rezoud nan peyi Dayiti, pami yo rekonèt manda Jovenel Moïse fini depi 7 fevriye pase, sa k ap fòse pouvwa negosye ak opozisyon an. Atravè Nasyonzini oubyen Òganizasyon eta ameriken yo (OEA), Etazini kapab deklare li pap soutni yon referandòm ki pa konstitisyonèl.

Epi pou fini administrasyon Biden lan kapab entèdi lwa Leahy ki bay yon sipò finansye ak fòs lòd yo, ki vin enplike nan vyolasyon dwa moun, oubyen aplike lwa Global Magnistky a pou sanksyone tout fonksyonè administration Moïse la ki gen men tranpe nan vyolasyon dwa moun ak nan koripsyon.

Advertisement

Politisyèn 82 lane a revele Jovenel Moïse te jwenn api Donald Trump pandan dènye ane sa yo, se sak fè l kontinye ap kraze demokrasi a avèk yon seri desizyon ki pa konstitisyonèl. Daprè Maxine Waters, sa rann kriz la vin grav pou Ayisyen yo, san konte li menase enplike Lèzetazini nan yon kriz ki pi grav nan zafè migrasyon.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *