otorite-kanadyen-yo-jwenn-kadav-yon-ansyen-manadje-wendy-ak-baky-nan-laval

Otorite kanadyèn yo jwenn kadav yon ansyen manadjè Wendy ak Baky nan Laval

Ansyen animatris ayisyèn, Marly Édouard mouri. Yo jwenn kadav li ayè dimanch 21 fevriye a nan yon estasyonman imèb, nan Laval, peyi Kanada. Daprè jounal kanadyen ‹‹TVA Nouvelles››, viktim nan ki se yon avokat, resevwa yon bal nan tèt li, san konte yo jwenn yon zam tou pre kadav la.

Marly, ki te ansyen manadjè “Wendy” ak “Baky ” te pote plent devan lajistis 2 jou avan lanmò l pou ansyen mennaj yon zanmi l fèk genyen. Endividi a, yo pa revele idantite l, te fè ansyen animatris la pwomès lanmò ak tout zanmi an, daprè menm sous la.

Advertisement

Biwo ankèt endepandant yo (BEI) ak Sûreté Québec (SQ), deja louvri yon ankèt pou wè si yo kapab detèmine kòz lanmò jennfi 32 lane a.

N ap raple, Marly Édouard se fondatè ajans pwomosyon atis ayisyen kou etranje ‹‹Symbiose 509››, li se yon ansyen animatris radyo Soleil, RFM ak Planèt Kreyòl. Li etidye dwa, diplomasi ak maketin.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *