‹‹si-w-vle-bliye-kowonaviris-la,-vizite-ayiti››,-se-tit-yon-ajans-pres-espanyol-sou-peyi-dayiti

‹‹Si w vle bliye kowonaviris la, vizite Ayiti››, se tit yon ajans près espanyòl sou peyi Dayiti

EFE, pi gwo ajans près espanyòl nan mond lan, ekri sou sitiyasyon sanitè Ayiti, yon peyi kote kowonaviris la sanble pa ekziste. ‹‹Si quiere olvidarse de la covid-19 visite Haití›› (Si w vle bliye kowonaviris la, vizite Ayiti), se sijesyon jounal EFE fè bay lektè l yo, pou montre kijan Ayisyen ap viv san pwoblèm avèk epidemi COVID-19 la sou teritwa.

EFE rapòte, konsekans maladi vrèman fèb sou popilasyon ayisyèn nan ki konte 11 milyon abitan. Depi kòmansman pandemi an Ayiti resanse sèlman 12 274 ka epi 247 mò, pou yon to mòtalite 2,01%, daprè chif ofisyèl yo.

Advertisement

Ajans près espanyòl la pran kòm ekzanp kondisyon moun ap vann nan mache Petyonvil la, kantite moun k ap sikile san mask pwoteksyon (kach nen) epi pou fini òganizasyon kanaval nan vil Pòdepè a leta ayisyen te lanse semèn pase a, pou n site sa yo sèlman.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *