yon-solda-dominiken-tiye-yon-ayisyen-ki-t-ap-eseye-rantre-ilegalman-an-repiblik-dominiken

Yon sòlda dominiken tiye yon ayisyen ki t ap eseye rantre ilegalman an Repiblik dominikèn

Relasyon ant peyi Dayiti ak Repiblik Dominikèn nan pi ba nivo pandan dènye tan sa yo. Ayè lendi 22 fevriye a, yon sòlda dominiken tiye yon Ayisyen ki t ap eseye rantre ilegalman. Ayisyen an, ki te genyen yon lòt konpatriyòt avèl l, te eseye achte sèvis fòs lòd dominiken an pou yo te ka rantre nan peyi vwazen, daprè EFE, yon ajans près espanyòl.

Nan yon rapò militè, sèjan Pedro Galvá Jiménez–ki se responsab pòs siveyans nan pwovens Bomba, nan Dajabón– fè konnen, ofisye dominiken an tire Ayisyen an aprè l te eseye atake l ak yon kouto; sòlda defann tèt li.

Advertisement

N ap raple, se pa premye fwa militè dominiken yo tire Ayisyen k ap tante janbe fwontyè a pou ale chèche lavi miyò nan peyi vwazen. Otorite dominikèn yo souvan denonse plizyè milye ayisyen k ap rantre an foul sou teritwa yo a.

Pooshy Rosana

Laisser un commentaire

Votre adresse e-mail ne sera pas publiée. Les champs obligatoires sont indiqués avec *