sekte-demokratik-e-popile-a-kondane-konpotman-kriminel-pouvwa-phtk-a-nan-vyolans-ak-dezod-kap-fet-nan-katye-popile-yo

Sektè Demokratik e Popilè a kondane konpòtman kriminèl Pouvwa PHTK a nan vyolans ak dezòd kap fèt nan katye popilè yo

Pozisyon Sektè Demokratik e Popilè a sou Vyolans ak Dezòd kap fèt nan Katye Popilè yo  tankou Ba Delma, Matisan, Fontamara, Chansrèl, Pon Wouj, Site Solèy, Divivye, Sat, Waf Jeremi, LaSalin, Bèlè, elatrye… 



Sektè Demokratik e Popilè a mete de men nan tèt pou l denonse, kondane zak Vyolans, Kraze Brize, vòl, piyay, kidnaping, Asasina, Vyòl ak tout kalte Vyolans kap fèt nan Katye Popilè yo tankou Ba Delma, Site Solèy, La Salin, Matisan, Fontamara, Chansrèl, Ponwouj, Waf Jeremi, Bèlè, Sat, Duvivye, laboul, elatriye nan dènye Jou sa yo !                                                                                                   
Sektè Demokratik e Popilè a kondane Konpòtman Kriminèl Pouvwa PHTK a Ki gen nan Tèt li Jovenel Moïse ki mete Gang ak Kriminèl tout kalte nan peyi a espesyalman nan Katye Popilè yo. Vyolans sa yo, Piyay, Vyòl, vòl, Kidnapping, Asasina ak lòt ankò  mete sou mizè, Grangou, Chomay,ensekirite kóz lavi popilasyon an vin pi difisil toujou nan peyi a espesyalman  nan Katye Popilè yo, nap raple pou jovenel ak group ame yo pèp la paka sib.                                                                                                 


Sektè Demokratik e Popilè a voye Senpati li bay Tout Sitwayen, granmoun, Timoun, Fanm ansent Andikape ak Biznisman Yo Ki Viktim anba move zak sa yo. 

Se kè nou kap rache lè n wè jan frè nou yo ak sè nou ki deplase ap viv pandan yo kite kay yo, byen yo. Nou konprann kalamite yo pandan pouvwa lage yo poukont yo pandan setan se menm pouvwa sa ki mete yo nan sa yo ye a. 

Nou mande pou tout moun pote Solidarite ba yo e nou mande pou lapè tounen nan zòn yo pou moun yo ka tounen lakay yo, mezanmi soufrans pa dous.

Advertisement

Jodi a li klè kou dlo kòk, PHTK kraze Peyi a. 

Apre 10 lane PHTK pase sou  Pouvwa a, Mizè Popilasyon an ogmante, se ensekirite, gang ak Kriminèl kap taye Banda nan peyi a . Tout enstitisyon peyi a kraze plat atè. 
La Polis kraze plat atè. Lajistis Kraze plat atè. PHTK kraze peyi plat atè.                                                                   
Sektè Demokratik e Popilè a salye kouraj Tout Polisye kap batay nan kondisyon difisil pou eseye Pwoteje popilasyon an pandan Sektè Demokratik e Popilè a voye senpati bay Fanmi tout Polisye Ki viktim Akòz Pouvwa Jovenel Moïse la chwazi Kanpe bò Kote Asasen ak Kriminèl yo.                                                                                 


Sektè demokratik e Popilè a denonse Konpòtman Kominote entènasyonal la Ki chwazi Sipòte Pouvwa Jovenel Moïse PHTK a ki se yon Pouvwa Kriminèl Pèp Ayisyen an voye Jete depi nan lane 2018. Se Konpòtman Kominote entènasyonal la ki Chwazi Sipòte Jovenel Moïse anfas Pèp la ki Lakoz Peyi a rive nan sitiyasyon katastwòf sa a, prensipalman lèzetazini.                                                                                                                                              
Sektè Demokratik e Popilè a renouvle volonte li pou kanpe Anfas Pouvwa Kriminèl Jovenel Moïse PHTK a. 

Sektè Demokratik e Popilè a Sèmante 77 fwa 7 fwa li pap negosye ak Kriminèl yo .         

Pozisyon Sektè Demokratik e Popilè a pap janm chanje: 
Nou pa nan Negosyasyon ak Jovenel Moïse, 
Nou pa nan Kowabitasyon ak Jovenel Moïse, 
Nou pa nan eleksyon ak Jovenel Moïse.                                            
Fòk pwosè PETWOKARIBEa fèt ! Fòk Viktim masak La Salin, Bèlè, Site Solèy yo Jwenn Jistis.
Fòk Batonye DORVAL, Grégory St Hilaire ak tout lòt Viktim yo Jwenn jistis. 
Moman an rive, nou paka tann ankò pou tout pitit peyi a pik kòm maro zanana kou pengwen dwe leve kanpe pou retire peyi a nan salmanza li tonbe a. Nou paka kite peyi a disparèt Ann fè yon jès ansanm nan non zansèt nou yo pou n retire peyi a anba zago phtk!
Ann mete gason sou nouAnn mete Fanm sou nouPou n fè konba!!
Viv konferans Nasyonal Souvevèn la !                                         

Fòk Nou kraze Sistèm Peze souse a !
Senatè Ricard Pierre
Mèt André Michel 
Ing.Marjory Michel
Depite Ulrick St Cyr

Laisser un commentaire

Votre adresse e-mail ne sera pas publiée. Les champs obligatoires sont indiqués avec *