oganizasyon-noukonsyan-denonse-desizyon- »jij-de-fakto »-ramoncite-accime-sou-dosye-petrocaribe-a

Oganizasyon NouKonsyan denonse desizyon  »jij de fakto » Ramoncite Accimé sou dosye PetroCaribe a

Nòt pou laprès #noukonsyan nan sa ki gen pou wè ak desizyon (ordonnance) malactchonn jij Ramoncite Accimé pran nan dat 22 jen 2021,nan kad dosye petrokaribe a.


Sa fè ozanviron 2 zan, jij defacto Ramoncite Accimé gen dosye petrocaribe a nan men l pou l travay sou li. Yon dosye ki gen pou wè avèk  yonn nan pigwo krim finansye, eskandal koripsyon peyi a pa janm konnen. Plis pase 4 milya vèt gagote prensipalman sou rejim PHTK a.

Jodi a, malgre gwo batay ki mennen pou non sèlman fòse Lakoudèkont soti rapò detaye sou gagot ki te fèt nan lajan petro a men tou mete presyon pou gen yon bonjan pwosè petrocaribe, #noukonsyan sezi wè malgretou, jij Ramoncite Accimé mete yon desizyon (ordonnance) deyò nan date 22 jen an, kote l’ap tante blanchi yon seri moun ak antrepriz ki gen pou rann kont nan gagòt lajan pétrocaribe a. 

Advertisement

Pou trouble je moun, jij Ramoncite Accimé ta va montre desizyon li pran pou fon kanpe travay sou dosye petro a epi leve sanksyon ki te genyen sou Yon ansanm antrepriz paske Lakoudèkont pa mete deyò okenn arè debè kont okenn moun.

#noukonsyan profite moman sa, kote Jij Ramoncite Accimé vle fè yon gwo kout kidon nan dosye petro a, pou l renouvle pozisyon l kòm strikti pétrochallenger. #noukonsyan di l deja, okenn pwosè petrocaribe  jis pap janm rive fèt toutotan rejim PHTK ki gagote pifò lajan petro a gen kontwòl Leta..

Pou n fini, #noukonsyan mande prezans tout petrochallenger nan manifestasyon k’ap fèt dimanch 27 jen an pou n’al kontinye di aba ensekirite, aba kidnapin, aba diktati, *viv yon bonjan pwosè petrocaribe san PHTK.


Pou Otantikasyon.Prof Ebens CADET.
Économiste Pilate VOLTAIRE
Israël VOLTAIRE, Juriste.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *